El Umiti Talent
ҚАЗ
РУС
El Umiti Talent
ҚАЗ
РУС

«El Umiti Talent» республикалық олимпиадасын өткізу ережесі

1.    Жалпы ережелер

1.1.    Осы ережелер «El Umiti Talent» республикалық олимпиадасының (бұдан әрі - Олимпиада) мақсаттары мен міндеттерін, олимпиаданы ұйымдастыру және өткізу тәртібін, қатысушылардың құқықтары мен міндеттерін, ақадемиялық адалдық ережелері және жеңімпаздарды анықтауды айқындайды.
1.2.    Олимпиаданы Нұрсұлтан Назарбаев қорының қолдауымен «El Umiti» қоры» корпоративтік қоры (бұдан әрі – Ұйымдастырушы) ұйымдастырады. 
1.3.    Олимпиада жылына екі рет өткізіледі және екі кезеңнен тұрады: күзгі және қысқы.
1.4.    Олимпиада пәндерінің тізімі: математика, физика, химия, биология, география, информатика, Қазақстан тарихы, ағылшын тілі.
1.5.    Олимпиадаға меншік түріне, ведомстволық және аумақтық тиесілілігіне қарамастан 7-9 сынып оқушылары қатысады.
1.6.    Олимпиаданың іріктеу кезеңіне қатысу тегін, жартылай финал және финал ақылы, ерікті негізде.

2.    Олимпиаданың мақсаттары мен міндеттері

2.1.    Олимпиаданың мақсаты: 7-9 сынып оқушыларының арасында таланттарды қолдау және академиялық қабілеті жоғары оқушыларды анықтау үшін оңтайлы жағдай жасау.
2.2.    Олимпиада міндеттері:
    1)    7-9 сынып оқушыларының теориялық білімі мен практикалық дағдыларын тереңдету;
    2)    оқушыларды республикалық және халықаралық олимпиадаларға қатысуға даярлау;
    3)    олимпиада қозғалысын насихаттау;
    4)    елдің зияткерлік әлеуетін қалыптастыруға көмектесу.

3.    Олимпиаданы ұйымдастыру

3.1.    Олимпиаданы ұйымдастыру және өткізу үшін Ұйымдастырушы Олимпиада кезеңдерін өткізу және оқушыларды бағалау рәсімдерін ұйымдастырушылық және ақпараттық-технологиялық қажеттілікпен қамтамасыз етеді.  
3.2.    Ұйымдастырушы Олимпиаданы өткізуді қамтамасыз ету үшін https://ro.elumiti.kz/ сайтының (бұдан әрі – сайт) жұмысын қамтамасыз етеді. 
3.3.    Ұйымдастырушы Олимпиаданы ұйымдастыру комитетін (бұдан әрі – Ұйымдастыру комитеті) құрады, оның құрамы Ұйымдастырушының бұйрығымен бекітіледі.
3.4.    Олимпиаданың Ұйымдастыру комитетінің функциялары:
    1)    Олимпиаданы дайындауға және өткізуге тікелей басшылық жасау;
    2)    Олимпиаданың барлық кезеңдерінде академиялық адалдықтың сақталуын бақылауды жүзеге асыру;
    3)    Олимпиаданы өткізу уақытын анықтау;
    4)    Республикалық және өңірлік бұқаралық ақпарат құралдарына Олимпиада туралы ақпарат беру.
3.5.    Олимпиада үш кезеңмен өтеді:

3.6.    Олимпиаданың іріктеу кезеңі.

3.6.1.    Іріктеу кезеңіне қатысу үшін қатысушылар олимпиада сайтында тіркеуден өтеді.
3.6.2.    Іріктеу кезеңі: онлайн тестілеу. 10 сұрақтан тұратын тест тапсырмасы, 4 жауап нұсқасы, 1 дұрыс жауап. Ең көп ұпай саны - 100.
3.6.3.  Іріктеу кезеңінің тестілеуінен интернет желісіне қосылған кез келген мобильді құрылғыдан немесе компьютерден (соның ішінде смартфоннан, планшеттен, ноутбуктен) өтуге болады.

3.7.    Олимпиаданың жартылай финалы.

3.7.1.    Іріктеу кезеңіндегі тестілеудің барлық ұпайының 10%-нан астамын жинаған қатысушылар Олимпиаданың жартылай финалына өтеді.
3.7.2.    Жартылай финал: онлайн тестілеу. 15 сұрақтан тұратын тест тапсырмасы, 4 жауап нұсқасы, 1 дұрыс жауап. Ең көп ұпай саны - 100.
3.7.3.    Жартылай финалдың тест тапсырмаларын орындау үшін тапсыру мерзімі белгіленген:

  • Пәндер: физика, химия, математика, биология, география, Қазақстан тарихы, ағылшын тілі 10 минуттан 90 минутқа дейін;
  • Информатика 10 минуттан 120 минутқа дейін.

3.7.4.  Уақыт шектеуі бұзылған жағдайда қатысушының нәтижелері есептелмейді, қатысушы жарыстан шеттетіледі.
3.7.5.    Олимпиаданың жартылай финалында прокторинг қызметі жұмыс істейді, жартылай финал тестілеуін интернетке қосылған компьютерден (камерасы бар ноутбук немесе веб-камерасы бар компьютер) тапсыруға болады.

3.8.    Олимпиада финалы.

3.8.1.    Жартылай финалдағы тестілеудің барлық ұпайының 60%-нан астамын жинаған қатысушылар Олимпиаданың финалына өтеді.
3.8.2.   Финал: онлайн тестілеу. 40 сұрақтан тұратын тест тапсырмасы, 4 жауап нұсқасы, 1 дұрыс жауап. Ең көп ұпай саны - 100.
3.8.3.    Финалдың тест тапсырмаларын орындау үшін  тапсыру мерзімі белгіленген:

  • Пәндер: физика, химия, математика, биология, география, Қазақстан тарихы, ағылшын тілі 10 минуттан 150 минутқа дейін;
  • Информатика 10 минуттан 180 минутқа дейін.

3.8.4.    Уақыт шектеуі бұзылған жағдайда қатысушының нәтижелері есептелмейді, қатысушы жарыстан шеттетіледі.
3.8.5.   Олимпиаданың финалында прокторинг қызметі жұмыс істейді, финал тестілеуін интернетке қосылған компьютерден (камерасы бар ноутбук немесе веб-камерасы бар компьютер) тапсыруға болады.

4.    Олимпиаданы өткізу тәртібі

4.1.    Жыл сайынғы Олимпиада турлары мен кезеңдерін өткізу мерзімдерін Ұйымдастырушы белгілейді.
4.2.    Олимпиаданы өткізу мерзімі мен шарттары туралы ақпарат Сайтта, сондай-ақ Ұйымдастырушының әлеуметтік желілерінің аккаунттарында жарияланады.
4.3.    Олимпиаданың барлық кезеңдерінің тапсырмаларын Ұйымдастырушы мамандары дайындайды.
4.4.   Олимпиада тапсырмалары әр түрлі қиындық деңгейлерімен құрастырылған және мектеп бағдарламасына енбеген тақырыптарды қамтуы мүмкін. Тапсырмалардың тақырыптары оқушылардың тәжірибесіне, қызығушылықтарына және даму деңгейіне сәйкес келеді.
4.5.  Олимпиада жеңімпаздары ашықтық пен академиялық адалдық қағидаттарына сәйкестігін тексерілгеннен кейін сайтта автоматты ұпай жинау негізінде анықталады.

5.    Қатысушылардың құқықтары мен міндеттері

5.1.    Қатысушылар олимпиадаға өздері таңдаған бірнеше пән бойынша қатысуға құқылы.
5.2.    Олимпиадаға қатысушылар өз сыныбы бойынша немесе жоғары сынып үшін қатысуға құқылы. Өзінен төмен сынып үшін тест тапсыруға тыйым салынады.
5.3.  Олимпиаданы өткізу кезінде қатысушылар кеңсе керек-жарақтарын, калькуляторлардың аналогын пайдалануға, ерекше жағдайларда өз орнынан тұрып кетуге құқылы.
5.4.   Олимпиаданы өткізу кезінде қатысушыларға оқу және өзге де әдебиеттерді, кітаптарды, жазбаларды және өзге де электрондық ақпарат тасығыштарды пайдалануға, сөйлесуге және отырған орнын өзгертуге тыйым салынады.
5.5.  Олимпиада қатысушылары Олимпиаданы өткізудің белгіленген тәртібін бұзған, онлайн ресурстарды қасақана пайдаланған, академиялық адалдықты бұзған жағдайларда шеттетілуі мүмкін.
5.6.    Көрсетілген бұзушылықтар анықталған жағдайда қатысушының жұмысы жойылады.
5.7.    Олимпиаданың барлық кезеңі бойынша апелляция қарастырылмаған.
5.8.    Қатысушылардың дербес деректерін өңдеу Сайт пайдаланушысының дербес деректерінің құпиялылық саясаты және Сайт пайдаланушысының дербес деректерін пайдаланудың құпиялылығы туралы келісім негізінде жүргізіледі.

6.    Академиялық адалдық ережелерінің сақталуын бақылау тәртібі.

6.1.    Академиялық адалдықтың бұзылуын анықтау үшін платформада прокторинг қызметі жұмыс істейді. Прокторинг қызметінің жұмыс процесі келесідей:
6.1.1.    Тапсырма басталғаннан кейін, Олимпиада ережелеріне сәйкес, қатысушы web-камераға және жұмыс үстелін көрсетуге рұқсат беруі керек.
6.1.2.    Егер қатысушы рұқсат бермесе, қатысушы тапсырманы орындауға жіберілмейді. Егер Қатысушының құрылғысында веб-камера табылмаса немесе веб-камераға кіру мүмкіндігі болмаса, қатысушы тапсырманы орындауға жіберілмейді.
6.1.3. Қатаң түрде мына браузерлерді пайдалану ұсынылады: Chrome, Opera, Mozilla Firefox, Yandex.
6.1.4. Тапсырманы орындау барысында жүйе қатысушының тапсырмаларды өтуін тіркейді. Жүйе әр 2 минут сайын қатысушының жұмыс үстелінен скриншот және әр 3 минут сайын қатысушының веб-камерасынан фотосурет жібереді.
6.2.    Олимпиадаға қатысушының бұзушылықтарын прокторинг жүйесі тіркейді және барлық тіркелген бұзушылықтарды олимпиадалық платформаның деректер базасына жібереді.
6.3.    Олимпиада кезінде академиялық адалдықты бұзу болып келесі жағдайлар саналады:
    - браузердің басқа қойындыларын ашу немесе ауыстыру;
    - іздеу жүйелеріне және үшінші тарап қолданбаларына көшу;
- мессенджерлерді пайдалану;
- Осы Ережелердің 5.4-тармағын бұзу. 
6.4.    Барлық пайдаланылған көздерден алынған мәліметтер (веб-камерадан алынған суреттер, қатысушының жұмыс үстелінен скриншот) бірыңғай есепке жиналады. Оған барлық күдікті жағдайлар жиналады. Есепте қатысушының бұзушылығы тіркелген файлдың (суреттің) атауы көрсетілген барлық бұзушылықтар көрсетілген.
6.5.    Олимпиаданы Ұйымдастырушылар Қатысушының камерасы мен жұмыс үстелінен жазбаны көруге қол жеткізе алады.
6.6.    Осындай бақылау жүйесінің арқасында Олимпиаданы өткізу процесі өте адал және ашық болады

7. Нәтижелерді анықтау және жеңімпаздарды марапаттау

7.1.    Барлық жартылай финал мен финал қатысушылары Олимпиадаға қатысқанын растайтын электронды сертификат алады.
7.2.    Олимпиаданың нәтижелері Олимпиада аяқталғаннан кейін 5 күннен аспайтын мерзімде академиялық адалдықты бұзу фактілері тексерілгеннен кейін анықталады.
7.3.    Олимпиада жеңімпаздары әр пән және оқу сыныбы бойынша I, II, III дәрежелі дипломдармен, сондай-ақ бағалы сыйлықтармен марапатталады.
7.4.    Олимпиада нәтижелері Сайтта жарияланады.
7.5.    Олимпиада сайтында қатысушылар жинаған ең жоғары және ең төменгі ұпайлары рейтингі мен алған орындармен сәйкес келетін ұпайлар диапазоны көрсетілген.

8.    Қатысушыларды дайындау

8.1.   Қатысушыларды олимпиадаға дайындау мақсатында https://birgeoqy.kz/ «Birge Oqy» онлайн платформасында білім беру бағдарламалары бойынша оқыту ұйымдастырылған.
8.2.    Оқуға барлық оқушылар ерікті негізде немесе білім беру ұйымымен келісім бойынша қол жеткізе алады.